सैनिक प्रवक्तालाई प्रश्न–पिट्नेलाई क्षमा दिएर सूचना दिनेको जागिर किन खाएको ?
काठमाडौं । कंगोस्थित शान्ति मिसनमा गएको नेपाली सेनाको कुटपिट प्रकरण केही समयदेखि चर्चामा छ । सैनिक अदालतले पिट्ने तीन अधिकृतलाई सामान्य कारबाही गरेर सूचना दिनेलाई भने जागिरबाट बर्खास्त गरेको समाचार प्रकाशितपछि नेपाली सेनाको आलोचना भइरहेको छ ।
तर नेपाली सेनाका प्रवक्ता सहायक रथी सन्तोषवल्लभ पौड्याल कंगो घटना र सैनिक अदालतको फैसलाबारे प्रकाशित समाचारको तथ्यमा केही त्रुटि रहेको बताउँछन् ।
उनले कंगो घटना र सैनिक अदालतले गरेको फैसलाबारे यसरी सुनाएः
सैनिक अदालतले ९ जनालाई कारबाही गरेको हो । यसमा ३ किसिमका मान्छे छन् । पहिलो, मादक पदार्थ सेवन गरेर सेनाको चेन अफ कमाण्ड नमान्ने । अर्को, पिट्ने र तेस्रो नेपाली सेनाको सामाजिक सञ्जाल प्रयोगसम्बन्धी आचारसंहिता उल्लंघन गरेर फौजभित्रको आन्तरिक कुरा बाहिर ल्याउने ।
गत असोजमा कंगोमा पिटाइ खाने सिपाहीले मादक पदार्थ सेवन गरेर चेन अफ कमाण्ड पालना नगरेको अनुसन्धानको क्रममा खुलेको छ । तपाईंहरूको नजरमा उनी पीडित भए पनि हाम्रो नजरमा अनुशासनहीन हुन् । उनीसहित केहीलाई नसिहत दिइएको छ ।
त्यस्तै, होहल्ला गरेकालाई पिट्ने तीन अधिकृतको १ वर्ष बढुवा रोक्का गरिएको छ । उनीहरू योङ छन् । तिनलाई सुध्रने मौका दिनुपर्ने भएकाले त्यसो गरिएको हो ।
एक सैनिक जवानलाई सैनिक अदालतले बर्खास्तको फैसला सुनाउँदै ६ महिना जेल सजाय सुनाएको छ । उनी कंगो घटनासँग कुनै साइनो नभएका व्यक्ति हुन् । झगडा गर्ने, पिटाइ खाने कुनै पनि घटनामा संलग्न भएका जवान होइनन् । तर, जागिर नै गुमाए ।
नेपाली सेनामा कुनै गुनासो भए त्यसलाई राख्ने आफ्नै तौर तरिका छ । कप्तानले कुटेपछि कर्णेललाई रिपोर्ट गर्नुपर्छ । कर्णेलबाट सुनुवाइ नभएपछि उनीमाथिको कन्टिनेन्ट कमाण्डरलाई रिपोर्ट गर्न सकिन्छ । कमाण्डरबाट पनि गुनासो सुनुवाइ नभए रातो र सेतो ढ्वाङमा लिखित उजुरी दिन सकिन्छ । यी कुनै पनि विकल्प प्रयोग नगरी बाहिर सार्वजनिक गर्न मिल्दैन ।
नेपाली सेनाको समाजिक सञ्जाल प्रयोसम्बन्धी आफ्नै आचारसंहिता पनि छ । सैनिक संगठनलाई अनुशासित बनाउन हामीले यो जारी गरेका हौं । आचारसंहितामा फौजभित्रका कुरा सामाजिक सञ्जालमा सर्कुलेट गर्न नपाइने उल्लेख छ । फौजभित्र केही नगरी सामाजिक सञ्जालमा सर्कुलेट गर्दा भड्काउन खोजेजस्तो हुन्छ । यस्ता गतिविधिलाई हामीले बेलैमा निरुत्साहित गरेनौं भने भोलिका दिनमा सेनामा अनुशासन कायम गर्न सकिँदैन । त्यसैले त्यस्ता प्रवृत्तिलाई निरुत्साहित गर्न बर्खास्त र जेल सजाय सुनाइएको हो ।
काठमाडौं । कंगोस्थित शान्ति मिसनमा गएको नेपाली सेनाको कुटपिट प्रकरण केही समयदेखि चर्चामा छ । सैनिक अदालतले पिट्ने तीन अधिकृतलाई सामान्य कारबाही गरेर सूचना दिनेलाई भने जागिरबाट बर्खास्त गरेको समाचार प्रकाशितपछि नेपाली सेनाको आलोचना भइरहेको छ ।
तर नेपाली सेनाका प्रवक्ता सहायक रथी सन्तोषवल्लभ पौड्याल कंगो घटना र सैनिक अदालतको फैसलाबारे प्रकाशित समाचारको तथ्यमा केही त्रुटि रहेको बताउँछन् ।
उनले कंगो घटना र सैनिक अदालतले गरेको फैसलाबारे यसरी सुनाएः
सैनिक अदालतले ९ जनालाई कारबाही गरेको हो । यसमा ३ किसिमका मान्छे छन् । पहिलो, मादक पदार्थ सेवन गरेर सेनाको चेन अफ कमाण्ड नमान्ने । अर्को, पिट्ने र तेस्रो नेपाली सेनाको सामाजिक सञ्जाल प्रयोगसम्बन्धी आचारसंहिता उल्लंघन गरेर फौजभित्रको आन्तरिक कुरा बाहिर ल्याउने ।
गत असोजमा कंगोमा पिटाइ खाने सिपाहीले मादक पदार्थ सेवन गरेर चेन अफ कमाण्ड पालना नगरेको अनुसन्धानको क्रममा खुलेको छ । तपाईंहरूको नजरमा उनी पीडित भए पनि हाम्रो नजरमा अनुशासनहीन हुन् । उनीसहित केहीलाई नसिहत दिइएको छ ।
त्यस्तै, होहल्ला गरेकालाई पिट्ने तीन अधिकृतको १ वर्ष बढुवा रोक्का गरिएको छ । उनीहरू योङ छन् । तिनलाई सुध्रने मौका दिनुपर्ने भएकाले त्यसो गरिएको हो ।
एक सैनिक जवानलाई सैनिक अदालतले बर्खास्तको फैसला सुनाउँदै ६ महिना जेल सजाय सुनाएको छ । उनी कंगो घटनासँग कुनै साइनो नभएका व्यक्ति हुन् । झगडा गर्ने, पिटाइ खाने कुनै पनि घटनामा संलग्न भएका जवान होइनन् । तर, जागिर नै गुमाए ।
नेपाली सेनामा कुनै गुनासो भए त्यसलाई राख्ने आफ्नै तौर तरिका छ । कप्तानले कुटेपछि कर्णेललाई रिपोर्ट गर्नुपर्छ । कर्णेलबाट सुनुवाइ नभएपछि उनीमाथिको कन्टिनेन्ट कमाण्डरलाई रिपोर्ट गर्न सकिन्छ । कमाण्डरबाट पनि गुनासो सुनुवाइ नभए रातो र सेतो ढ्वाङमा लिखित उजुरी दिन सकिन्छ । यी कुनै पनि विकल्प प्रयोग नगरी बाहिर सार्वजनिक गर्न मिल्दैन ।
नेपाली सेनाको समाजिक सञ्जाल प्रयोसम्बन्धी आफ्नै आचारसंहिता पनि छ । सैनिक संगठनलाई अनुशासित बनाउन हामीले यो जारी गरेका हौं । आचारसंहितामा फौजभित्रका कुरा सामाजिक सञ्जालमा सर्कुलेट गर्न नपाइने उल्लेख छ । फौजभित्र केही नगरी सामाजिक सञ्जालमा सर्कुलेट गर्दा भड्काउन खोजेजस्तो हुन्छ । यस्ता गतिविधिलाई हामीले बेलैमा निरुत्साहित गरेनौं भने भोलिका दिनमा सेनामा अनुशासन कायम गर्न सकिँदैन । त्यसैले त्यस्ता प्रवृत्तिलाई निरुत्साहित गर्न बर्खास्त र जेल सजाय सुनाइएको हो ।
प्रतिकृया दिनुहोस