रौतहट। जिल्ला प्रहरी कार्यालय रौतहटबाट खटिएको प्रहरी टोलीले जिल्ला रौतहट बौधीमाई न.पा.वडा नं.७ स्थितमा केही मानिसहरुले भारतबाट अवैध रुपमा भंसार छली चोरी पैठारी गरी लत्ताकपडा र किराना लगायतका सर सामानहरु ल्याई लुकाई छिपाई राखेको खाेजतलास गर्दा सवा तेह्र लाखकाे अवैध सामान बरामद गरिएकाे छ ।
वैशाख १७ गते प्रहरी टोलीले वेवारिसे अवस्थामा फेला पारी बरामद गरेकाे सामानकाे मूल्य रु.१३,२६,०४५।–(तेह्र लाख छब्बिस हजार पैतालिस रुपैया मात्र ।-) बराबरको रहेकाे प्रहरीले बताएकाे छ ।
बरामद उक्त लत्ताकपडा र किराना सर सामानहरु नियन्त्रणमा लिई आवश्यक कारवाहीको लागि गौर भन्सार कार्यालय रौतहटमा दाखिला गरिएको राैतहट प्रहरीले बताएकाे छ।
प्रतिकृया दिनुहोस