• शनिबार-असार-२९-२०८१

अर्जेन्टिना कोपा अमेरिकाको फाइनलमा


काठमाडौं । अर्जेन्टिना कोपा अमेरिका फुटबलको फाइनलमा प्रवेश गरेको छ । वुधवार विहान सकिएको खेलमा क्यानडालाई २–० गोल अन्तरले पराजित गर्दै डिफेन्डिङ च्याम्पियनसमेत रहेको अर्जेन्टिनाले फाइनलमा स्थान बनाएको हो । 

 

अर्जेन्टिनाको जितमा जुलियन अल्भारेज र लियोनल मेस्सीले एक एक गोल गरे । अमेरिकाको न्युजर्सीमा भएको खेलमा अल्भारेजले २२औं मिनेटमा रोड्रिगो जाभियरको पासमा गोल गर्दा अर्जेन्टिनाले सुरुआती अग्रता लिएको थियो । 

 

पहिलो हाफमा १ गोल गरेको अर्जेन्टिनाले दोस्रो हाफमा पनि १ गोल थपेको थियो । ५१ औं मिनेटमा इन्जो फर्नान्डेजको पासमा लियोनल मेस्सीले गोल गर्दै अग्रता दोब्बर बनाए । सोही अग्रता अन्तिमसम्म कायम राख्दै अर्जेन्टिनाले केपा अमेरिकाको फाइनलमा स्थान बनाएको हो । यो सँगै अमेरिका कोपाको १६ औं उपाधि नजिक पुगेको छ भने समग्रमा ३० औं पटक फाइनलमा प्रवेश गरेको छ । 

 

अर्जेन्टिनाले २०२१ को कोपा अमेरिका जितेको थियो । अर्जेन्टिनाले अब उपाधिका लागि उरुग्वे र कोलम्बियाबीचको विजेतासँग खेल्ने छ ।
 

प्रतिकृया दिनुहोस