वासिंगटन डिसी, ९ बैशाख । अमेरिकाको होमल्याण्ड सेक्युरिटी विभागकी सचिव क्रिस्टी नोएमको ह्यान्डब्याग एक रेस्टुरेन्टबाट चोरी भएको छ । 

उनको झोलामा सेक्युरिटी ब्याज र ३००० अमेरिकन डलर नगदसमेत रहेको थियो । यसबाहेक, ह्यान्डब्यागमा उनको ड्राइभिङ लाइसेन्स, औषधि, अपार्टमेन्टको चाबी र खाली चेक पनि रहेको थियो, जुन उनको चोरी भएको हो । 

होमल्याण्ड विभागले नोएमको सम्पूर्ण परिवार इस्टरको अवसरमा उनीसँगै रहेको बताएको छ । उनले आफ्नो परिवारसँग डिनर गर्न र उपहारहरू किन्न नगद प्रयोग गर्न लगेकी थिइन् ।

यूएस डिपार्टमेन्ट अफ होमल्याण्ड सेक्युरिटी एक संघीय कार्यकारी कार्यालय हो । यसको मुख्य उद्देश्य अमेरिकालाई आतंकवाद र अन्य खतराहरूबाट सुरक्षित राख्नु हो । यसले सीमा नियन्त्रण, अध्यागमन, आतंकवाद र साइबर सुरक्षा जस्ता जिम्मेवारीहरू हेर्ने गर्दछ ।