स्वास्थ्यको क्षेत्रमा अनुसन्धानहरूले निरन्तर प्रगति गरिरहेका छन्। विश्वभरि भएका नयाँ खोजहरूले मानिसको जीवनस्तर सुधार्न ठूलो भूमिका खेलिरहेका छन्। यहाँ केही पछिल्लो र सबैभन्दा रोचक स्वास्थ्य अनुसन्धान प्रस्तुत छ, जसले हाम्रो स्वास्थ्यमा नयाँ सम्भावनाहरू खोल्दैछन्।

१. लामाको अणुहरूले मानसिक रोगको उपचारमा नयाँ आशा

फ्रान्सका वैज्ञानिकहरूले लामाका अणुहरूलाई मानसिक रोग उपचारमा प्रयोग गर्ने सम्भावना पत्ता लगाएका छन्। यस अनुसन्धानले देखाएको छ कि यी अणुहरूले मस्तिष्कको ग्लूटामेट रिसेप्टरलाई सक्रिय पार्न सक्छन् र रक्त-मस्तिष्क अवरोध पार गरेर स्किजोफ्रेनिया जस्ता रोगहरूको उपचारमा मद्दत गर्न सक्छन्।

(लामा (Llama) भनेको दक्षिण अमेरिकामा पाइने एउटा जनावर हो, गधाजस्तो आकारको, जो खासगरी पेरू, बोलिभिया, चिली लगायतका हिमाली भेगमा बस्छ। यो जनावरलाई प्रायः बोक्ने जनावरको रूपमा प्रयोग गरिन्छ, तर वैज्ञानिकहरूले यसको शरीरमा रहेका अणुहरू (nanobodies) को अध्ययन गरेर स्वास्थ्य र औषधि क्षेत्रमा नयाँ सम्भावना खोजिरहेका छन्।)  हाल मानवमा प्रयोग गर्नु अघि थप अध्ययन आवश्यक छ।

२. कृत्रिम बुद्धिमत्ताले दीर्घकालीन थकान र लामो कोविड निदानमा सफलता

ड्युक विश्वविद्यालयका वैज्ञानिकहरूले कृत्रिम बुद्धिमत्ता प्रयोग गरी दीर्घकालीन थकान सिन्ड्रोम र लामो कोविडको ९०% सटीकता सहित निदान गर्न सफल भएका छन्। यसले रक्त र मल परीक्षणको आधारमा रोगहरूको पहिचान गर्न सजिलो बनाएको छ। दीर्घकालीन रोगहरूको उपचारमा यो ठूलो प्रगति हो।

३. दैनिक ७,००० पाइला हिँड्नु स्वास्थ्यका लागि पर्याप्त

हालैको एक अध्ययनले देखाएको छ कि दैनिक १०,००० पाइला हिँड्नु अनिवार्य नभई ७,००० पाइला हिँड्दा पनि मुटु रोग, डिमेन्सिया र क्यान्सरको जोखिममा कमी आउँछ। मध्यम शारीरिक सक्रियताले पनि स्वास्थ्यमा महत्वपूर्ण सुधार ल्याउन सक्छ।

४. निद्रामा सुधारका लागि योग, वाकिङ र ताइ ची

निद्रामा समस्या भएका मानिसहरूका लागि योग, वाकिङ र ताइ ची जस्ता व्यायामहरूले निद्राको गुणस्तर सुधार्न सहयोग गर्छन्। यी व्यायामहरूले निद्रामा लाग्ने समय घटाउँछन् र मानसिक शान्ति बढाउँछन्।

🧘‍♂️ ताइ ची भनेकाे याे हो ?

ताइ ची (Tai Chi) लाई “Meditation in Motion” (गति भित्र ध्यान) पनि भनिन्छ।
यसमा धिमी, लयात्मक, र संयमित रूपमा हात, खुट्टा, शरीर हल्लाउने अभ्यासहरू हुन्छन्।
श्वासप्रश्वास, सन्तुलन, र ध्यान (concentration) लाई सँगै जोडेर अभ्यास गरिन्छ।

५. वायु प्रदूषणले डिमेन्सिया जोखिम बढाउँछ

केम्ब्रिज विश्वविद्यालयको अनुसन्धानले वायु प्रदूषण र डिमेन्सियाबीचको सम्बन्ध देखाएको छ। वायु प्रदूषणका साना कणहरू रगतमा प्रवेश गरी मस्तिष्कमा सूजन निम्त्याउँछन् जसले डिमेन्सियाको जोखिम बढाउँछ। वातावरणीय स्वास्थ्यमा ध्यान दिनुपर्ने विषयमा यो अनुसन्धानले जोड दिएको छ।