रौतहट । जिल्ला प्रहरी कार्यालय रौतहटको गस्ती टोलीले छन्सार छलीको कपडा दुईथान मोटरसाईकल सहीत एकजना तस्कर लाई पक्राउ गरेको छ।

तस्करीको सामान मोटरसाईकल सहित पक्राउ पर्नेमा ईशनाथ नगरपालिका १ का ३७ बर्षीय राकेश पैसवान रहेको रौतहट प्रहरी प्रमुख एसपी नेत्रमणि गिरीले न्यून कारखानालाई बताएका छन्। 

जिल्ला प्रहरीबाट बिशेष सूचनाको आधारमा गएको गस्ती टोलीले गौर नगरपालिका ४ लालबकैया नदीको छेउबाट दुईलाख २३ हजारको अबैध कपडा, नम्बर नभएको दुईथान मोटरसाईकल सहित पासवान लाई नियन्त्रणमा लिएको थियो। 

बरामद कपडा, मोटरसाईकलको कुल तिनलाख २३ हजार मूल्यांकन सहित पक्राउ पैसवान लाई आवश्यक कारवाहीको लागि सोमवार साँझ जिल्ला भन्सार कार्यालय गौरमा बुझाईएको जिल्ला प्रहरी प्रवक्ता डिएसपी दीपक कुमार राय द्धारा जारी सूचनामा उल्लेख गरिएको छ।

जिल्लामा नयाँ एसपिको रुपमा गिरीले कमाण्ड सम्हाले देखी प्रहरीले सक्रियता बढाएको छ।