चर्चित युवा गायिका रचना रिमाल एक भावुक क्षणमा परिन्, जब एक फ्यानले आफ्नो शरीरमा रचनाको नाम र आँखाको ट्याटु कुँदेको देखाए। उक्त माया र सम्मानले रचनाको मन छोएको मात्र होइन, आँखासम्म रसाएछ।

"मेरो नाम र आँखाहरूको ट्याटु आफ्नै शरीरमा कुँदेर देखाएको माया र सम्मान देख्दा मन निकै भावुक भयो," रचनाले सामाजिक सञ्जालमा लेखिन्, "यति गहिरो सम्बन्धको अनुभूति शब्दले बयान गर्न सक्दिन। धन्यवाद हजुरलाई, यो मेरो लागि अमूल्य हो।❤️🥺💕"

रचना रिमालको मधुर स्वर र सरल व्यक्तित्वले उनी लाखौं युवाका मनमा बसिसकेकी छिन्। तर, कसैले आफ्नो शरीरमै यति भावुक ढंगले उनीप्रतिको माया कुँदेको देख्दा रचना आफैं स्तब्ध भइन्।

फ्यानको माया: गीतभन्दा गहिरो सम्बन्ध

संगीतबाट जन्मिएको यो आत्मीय सम्बन्ध अब गीतको सीमाभन्दा पर पुगिसकेको छ। रचनाले उक्त फ्यानको नाम उल्लेख नगरे पनि, उनका शब्दहरूले त्यो भावुक क्षणको गहिराइ उजागर गरेको छ।