वीरगन्जं । गृहमन्त्री रमेश लेखकले बारा पर्सामा देखा परेको हैजालाई राज्यको सम्पुर्ण स्रोतपरिचालन गरेर भएपनि नियन्त्रणमा ल्याइ छाड्ने बताएका छन् । उनले सुरक्षाका तीनवटै अंगमा रहेका चिकित्सक तथा विज्ञहरुलाई परिचालन गर्नु परेर भएपनि हैजाको महामारीलाई यथाशीघ्र नियन्त्रणमा ल्याइउने बताए ।

नेपाली कांग्रेस आपूर्ती तथा उपभोग्ता विभागले आइतबार वीरगन्जमा आयोजना गरेको दैनिक उपभोग्य वस्तुको सुनिस्चिता उपभोक्तको अधिकारी हाम्रा चासो विषयक अन्तरकृया कार्यक्रालाई सम्बोधन गर्दै गृहमन्त्री लेखकले वीरगन्ज र यसआसपासका क्षेत्रमा देखा परेको हैजाको संक्रमण केबाट फैलिएको हो त्यसको स्रोत सरकारले पत्ता लगाइ छाड्ने बताएका हुन् । 

महामारीको रुपमा बदलिएको हैजा फैलिनमा कहा चुक भएको हो, त्यसको खोजि नीति सरकारले गर्ने र त्यसकालागि आवश्यक भए विज्ञहरुको टोली समेत सरकारले परिचालन गर्न सकिने उनले जानकारी दिए । 

वीरगन्जमा देखिएको जलसंकटलाई सम्बोधन गर्न सरकारले डिप वोरिङमार्फत सर्वसाधारलाई पानि वितरण गर्दा भएका कमी कमजोरीको सरकारले समीक्षा गर्ने जानकारी दिँदै मन्त्री लेखकले हैजाको प्रकोप नियन्त्रणमा कुनै कमी सरकारले बाँकि नराख्ने प्रतिबद्धता व्यक्त गरे ।

सभालाई सम्बोधन गर्दै मन्त्री लेखकले लोतकतन्त्र र गणतन्त्रको विकल्प अन्य कुनै तन्त्र हुनै नसक्ने र लोकतन्त्र मासिए मुलुकमा समाधान हुनै नसकिने द्वन्दको सुरुवात हुने खतरा रहेको गृहमन्त्री लेखकले चिन्ता व्यक्त गरे । 

कार्यक्रमा कानुन तथा न्याय मन्त्री अजय चौरसियाले संविधान र लोकतन्त्रलाई कमजोर पर्नेलाई कानुनी दायरामा ल्याउन ऐन निर्माण गर्ने तयारीमा सरकार रहेको जानकारी दिए । उनले हजारौंको बलिदानी र सात दशको संर्घषबाट प्राप्त भएको संघीय लोकतान्त्रिक समावेशिता सहितको संविधानलाई जलाउने, त्यसको अपमान गर्नेलाई कारवाही गर्न कानुन निर्माण भइरहेको बताए । 

उद्योगी व्यपारीको प्रतिष्ठालाई जोगाउन र व्यपार मैत्री वातावरण मुलुकमा निर्माण गर्न सरकारले देवानी मुद्दामा अग्रिम जमानतको प्रावधान कानुनमै राख्ने तयारीमा लागेको कानुन मन्त्री चौसियाले जानकारी दिए ।
उनले उद्योगी व्यपारीलाई आफु पक्राउ पर्न सकिने सम्भावन रहेका महसुस भएपछि अदालतबाट पक्राउ पर्नु अगाडि नै अग्रिम जमानत लिन सकिने कानुनमा व्यवस्था गर्न लागिएको र त्यसको मसौदा निर्माणको क्रममा रहेको बताए ।