कलेजो बिग्रनबाट बच्न फर्सीको बियाँ खानुहोस्

साँघु साप्ताहिकबाट
२०८२ भदौ १९ बिहीबार १७:४७:००

कलेजोलाई जोगाउन र स्वस्थ राख्न फर्सीको बियाँ खानु उपयुक्त हुन्छ । फर्सीको बियाँ एन्टी–अक्सिडेन्ट र पोषक तत्वहरूले भरिपूर्ण हुन्छन् । यसमा प्रोटिन, फाइबर, भिटामिन–ई, जिंक, म्याग्नेसियम र स्वस्थ बोसो हुन्छ । यी बियाँहरू खाजा, सलाद, स्मूदी वा तरकारीहरूमा थप्न सकिन्छ । फर्सीको बियाँ मुटु, पाचन प्रणाली र स्वस्थ कलेजोको स्वास्थ्यको लागि लाभदायक मानिन्छ ।

अक्सिडेटिभ तनाव कम हुन्छ : फर्सीको बियाँमा जिंक र भिटामिन–ई जस्ता एन्टिअक्सिडेन्टहरू उच्च मात्रामा पाइन्छ । यी एन्टिअक्सिडेन्टहरूले अक्सिडेटिभ तनाव कम गर्न मद्दत गर्छन्, जुन सूजन र कलेजो क्षतिको मुख्य कारण हो । अक्सिडेटिभ तनाव त्यो प्रक्रिया हो जसमा हानिकारक फ्री रेडिकलहरूले हाम्रा कोषहरूलाई क्षति पु¥याउँछन् ।

कलेजोलाई बलियो बनाउछ ः फर्सीको बियाँले कलेजोलाई बलियो बनाउँछ । फर्सीको बियाँमा पाइने एन्टिअक्सिडेन्टले कलेजोको कोषहरूलाई जोगाउँछ र फ्री रेडिकलहरू हटाएर कलेजोको मर्मत र बलियो बनाउने प्रक्रियालाई बढावा दिन्छ ।

कलेजोको सूजन कम गर्छ : फर्सीको बियाँमा ओमेगा–३ र ओमेगा–६फ्याटी एसिड जस्ता स्वस्थ फ्याट हुन्छन् । यी फ्याटी एसिडहरूमा एन्टी–इन्फ््लेमेटरी गुणहरू हुन्छन्, जसले कलेजोको कोषहरूलाई मर्मत गर्न मद्दत गर्छ । कलेजोमा निरन्तर सूजनले फ्याटी लिभर, फाइब्रोसिस र सिरोसिस जस्ता रोगहरूको जोखिम बढाउँछ, त्यसैले फर्सीको बियाँ जस्ता एन्टी–इन्फ्लेमेटरी खानेकुराहरू खानु महत्वपूर्ण हुन्छन् ।

कलेजो डिटोक्समा (विषाक्तरहित) मद्दत गर्छ : फर्सीको बियाँमा म्याग्नेसियम हुन्छ, जसले शरीरमा ३ सय भन्दा बढी इन्जाइम्याटिक गतिविधिहरूमा मद्दत गर्छ, जसमा कलेजोको डिटोक्सिफिकेसन पनि समावेश हुन्छ । फर्सीको बियाँमा रहेको म्याग्नेसियमले कलेजोको कार्यमा सुधार गर्छ, जसले कलेजोले फोहोर उत्पादनहरू र हानिकारक तत्वहरूलाई राम्ररी प्रशोधन गर्ने काम गर्दछ ।

कलेजोको दबाब कम गर्न मद्दत गर्छ : फर्सीको बियाँमा फाइबर र बोटबिरुवामा आधारित प्रोटिन पनि हुन्छ, जसले आन्द्रामा सन्तुलित ब्याक्टेरियालाई सहयोग गर्दछ । यसले हानिकारक ब्याक्टेरिया र विषाक्त पदार्थहरूलाई कलेजोमा पुग्नबाट रोक्छ ।

त्यसैले, आफ्नो भोजनमा फर्सीको बियाँ समावेश गर्नु कलेजो र स्वास्थ्यको लागि लाभदायक हुन्छ । यसले डिटोक्सिफिकेसनलाई बढावा दिन्छ, सूजन कम गर्छ र शरीरलाई एन्टिअक्सिडेन्ट सुरक्षा प्रदान गर्दछ । (साँघु साप्ताहिक, २०८२ भदौ १६)