स्वस्थ रहनका लागि उपयुक्त डाइट सेवन गर्न जरुरी हुन्छ । तर, मिर्गौला पत्थरीको समस्याबाट पीडित भएकाहरुका लागि बिऊयुक्त चिजहरुबाट बच्न जरुरी छ । जानौं केही यस्ता चिजहरु जसको सेवन मिर्गौला पत्थरीको अवस्थामा सकेसम्म नगर्दा नै उपयुक्त हुन्छ :

 
मासुजन्य भोजन : मासुजन्य भोजनमा प्रोटिनको मात्रा बढी हुन्छ, जसले क्याल्सियमलाई पिसाबमार्फत बाहिर निकाल्दछ । यस्तो अवस्थामा क्याल्सियमको कमीले मिर्गौलाको पत्थरी बनाउने र बढाउने काम गर्दछ । 

भिटामिन सी र अक्सलेटयुक्त भोजन : जुन तरकारी तथा फलहरुमा भिटामिन सी र अक्सलेटको मात्रा बढी छ, त्यसबाट बच्न जरुरी छ । टमाटर, भान्टा, सोयाबिन, अमला, पालक, फर्सीजस्ता चिजहरुको सेवन मिर्गौला पत्थरीको अवस्थामा निकै कम गर्नुपर्दछ । 

डेरी उत्पादन : मिर्गौला पत्थरीको समस्यामा दुध तथा डेरी उत्पादनलाई टाढै राख्नु उपयुक्त हुन्छ । चकलेट तथा बदामजस्ता चिजहरुमा फोस्फोरको मात्रा बढी हुन्छ । यी चिजले पनि मिर्गौला पत्थरीलाई बढाउने खतरा हुन्छ । 

नून : मिर्गौलामा पत्थरीको समस्या छ भने नून कम खानु पर्दछ । नूनमा सोडियमको मात्रा बढी हुन्छ जसले मिर्गाैलाको पत्थरीलाई बनाउन प्रमुख भूमिका खेल्दछ । 

कोल्ड ड्रिंक्स : कोल्ड ड्रिंक्सको सेवन स्वास्थ्यका लागि खतरायुक्त हुन्छ । यसमा फोस्फोरिक एसिड हुने गर्दछ, जसले पत्थरीको खतरालाई अझै बढाउने गर्दछ । 

क्याफिन : मिर्गौला पत्थरी भएको अवस्थामा प्रशस्त पानी पिउनुपर्दछ । तर क्याफिनजन्य चिया तथा कफीबाट भने बच्नुपर्दछ । यसले शरीरमा डिहाइडेशनको खतरा बढाउँदछ । (एजेन्सी)

साँघु साप्ताहिकबाट

• भक्तपुरको सार्वजनिक जग्गा चौतर्फी अतिक्रमण ! : एक सय आठ रोपनी जग्गा ७५ रोपनी मात्रै बाँकी  
• गृह मन्त्री र सचिव किन भए बद्नाम ?
• मन्त्री फिर्ता, सांसद असन्तुष्ट : राउतको नेतृत्वमा संकटको छाया
• सांसदज्यू ! निजामती सेवा ऐन कहिले ?
• प्रहरीको बढुवा विवादस्पद !
• सचिव बढुवामा वरीयता मिचिदै ?